You Must Achieve This (Catullus 76)
The disease of love that Catullus speaks of in poem 76 is reminiscent of the sickness of the soul that Plato warns us about, says Andrew McGowan. He admires the sincerity and authenticity of Catullus’ despair in this poem, which points the way to the possibility of personal growth through the pain of disappointed love.
Siqua recordanti benefacta priora voluptas
- est homini, cum se cogitat esse pium,
nec sanctam violasse fidem, nec foedere nullo
- divum ad fallendos numine abusum homines,
multa parata manent in longa aetate, Catulle,
- ex hoc ingrato gaudia amore tibi.
Nam quaecumque homines bene cuiquam aut dicere possunt
- aut facere, haec a te dictaque factaque sunt:
omnia quae ingratae perierunt credita menti.
- Quare iam te cur amplius excrucies?
Quin tu animo offirmas atque istinc teque reducis,
- et dis invitis desinis esse miser?
Difficile est longum subito deponere amorem;
- difficile est, verum hoc qua lubet efficias.
Una salus haec est, hoc est tibi pervincendum;
- hoc facias, sive id non pote sive pote.
O di, si vestrum est misereri, aut si quibus umquam
- extremam iam ipsa in morte tulistis opem,
me miserum aspicite et, si vitam puriter egi,
- eripite hanc pestem perniciemque mihi,
quae mihi subrepens imos ut torpor in artus
- expulit ex omni pectore laetitias.
Non iam illud quaero, contra me ut diligat illa,
- aut, quod non potis est, esse pudica velit:
ipse valere opto et taetrum hunc deponere morbum.
- O di, reddite mi hoc pro pietate mea.
Image: Saturn as Melancholy, print by Zacharias Dolendo, after a design of Jacques de Gheyn, ca. 1595/6. Source: Giornale Nuovo