Monday, December 8th, 2008...3:41 pmfrancese

A view from the Palatine (Claudian, Panegyricus de sexto consulatu Honorii Augusti 39-52)

Jump to Comments

[audio:http://blogs.dickinson.edu/archive/images/the-view-from-the-palatine.mp3] palatine02.JPG

Non alium certe decuit rectoribus orbis
esse larem, nulloque magis se colle potestas
aestimat et summi sentit fastigia iuris;
attollens apicem subiectis regia rostris
tot circum delubra videt tantisque deorum
cingitur excubiis! iuvat infra tecta Tonantis
cernere Tarpeia pendentes rupe Gigantas
caelatasque fores mediisque volantia signa
nubibus et densum stipantibus aethera templis
aeraque vestitis numerosa puppe columnis
consita subnixasque iugis inmanibus aedes,
naturam cumulante manu, spoliisque micantes
innumeros arcus. acies stupet igne metalli
et circumfuso trepidans obtunditur auro.



Leave a Reply