Friday, August 21st, 2009...11:12 amfrancese

The Parthian Arrow (Prudentius, Hamartigenia 531-552)

Jump to Comments [audio:http://blogs.dickinson.edu/latin-poetry-podcast/files/2009/08/PrudentiusHamartigenia.mp3]

maior inest vis illa homini, quae flatile virus 531

ingerit et tenuem tenui facit aƫre mentem.

Parthica non aeque ventos transcurrit harundo,

cuius iter nullus potis est compredere visus;

praepes enim volucres dum pinnis transvolat auras, 535

improvisa venit, nec stridor nuntiat ante

adventum leti, quam pectoris abdita rumpat

securam penetrans medicato vulnere vitam.

sed magis aligera est magis et medicata sagitta,

quam iacit umbrosi dominatio lubrica mundi 540

eludens excussa oculos calamique volantis

praepete tanscursu cordis penetralia figens.

nec segnis natura animae est aut tarda cavendi

vulneris, ignitum quoniam deus indidit olli

ingenium purum, sapiens, subtile, serenum, 545

mobile, sollicitum, velox, agitabile, acutum,

factorem modo casta suum veneretur et ipsi

militet ac victum proculcet sobria mundum

nil de pestiferis opibus aut falsificatis

terrarum spoliis stulto oblectamine libans, 550

ne sub fasce iacens alieno et dedita regno

non queat argutas hostis vitare sagittas.

Text: J. Bergman, Aurelii Prudentii Clementis Carmina = CSEL vol. 61 (Vienna and Leipzig: Hoelder-Pichler-Tempsky, 1926)

<!–[if gte mso 9]> Normal 0 false false false EN-US X-NONE X-NONE MicrosoftInternetExplorer4 <![endif]–><!–[if gte mso 9]> <![endif]–> <!–[endif]–>
Play


Leave a Reply