Latin Poetry Podcast

[audio:http://blogs.dickinson.edu/archive/images/the-death-of-bitias.mp3] tum Bitian ardentem oculis animisque frementem, non iaculo (neque enim iaculo uitam ille dedisset), sed magnum stridens contorta phalarica uenit fulminis acta modo, quam nec duo taurea terga nec duplici squama lorica fidelis et auro sustinuit; conlapsa ruunt immania membra, dat tellus gemitum et clipeum super intonat ingens. talis in Euboico Baiarum litore quondam […]

[audio:http://blogs.dickinson.edu/archive/images/ferulae-speak.mp3] Ferulae: Invisae nimium pueris grataeque magistris      clara Prometheo munere ligna sumus.

[audio:http://blogs.dickinson.edu/archive/images/optatianus-21.mp3] Sancte tui vatis Caesar miserere serenus! Auguste omnipotens, almo mortalia cuncta Numine laetificans, nobis ad gaudia nomen, Constantine, tuum fecundi carminis ex hoc Te duce det Musas. nam tristis cura recusat Egregios actus. iam sedent crimina Parcae. Tunc melius dominum te vox secura sonabit, Virtutum rector! potuit vix pangere versu Ista modo, et maesto […]

[audio:http://blogs.dickinson.edu/archive/images/epitaph-for-a-roman-soldier.mp3] d. M. L. Comagi Firmi milit(is) leg. II Parth. qui vixit ann. XXVII m. II d. V Parcae te miseris rapuere parent(ibus) urna spectantes livente animo tuae gloriae cursum fletus in perpetuo miserae reliq(uisti) dolore, nec potuit corpus a sodalib(us) tradi sepulchro. me decepisti, nimium horfanam tu reliquist(i) Nigidia Firmina mater infeliciss(ima) filio pientissimo. […]

[audio:http://blogs.dickinson.edu/archive/images/eleven-little-syllables-catullus-10.mp3] Varus me meus ad suos amores uisum duxerat e foro otiosum, scortillum, ut mihi tum repente uisum est, non sane illepidum neque inuenustum, huc ut uenimus, incidere nobis sermones uarii, in quibus, quid esset iam Bithynia, quo modo se haberet, et quonam mihi profuisset aere. respondi id quod erat, nihil neque ipsis nec praetoribus […]

[audio:http://blogs.dickinson.edu/archive/images/ovid-tristia-31019-34.mp3] Pellibus et sutis arcent mala frigora bracis, oraque de toto corpore sola patent. Saepe sonant moti glacie pendente capilli, et nitet inducto candida barba gelu; nudaque consistunt, formam seruantia testae, uina, nec hausta meri, sed data frusta bibunt. Quid loquar, ut uincti concrescant frigore riui, deque lacu fragiles effodiantur aquae? Ipse, papyrifero qui non […]

[audio:http://blogs.dickinson.edu/archive/images/apuleius-on-toothpaste.mp3] Calpurniane, salue properis uersibus. Misi, ut petisti, tibi munditias dentium, nitelas oris ex Arabicis frugibus, tenuem, candificum, nobilem puluisculum, complanatorem tumidulae gingiuulae, conuerritorem pridianae reliquiae, ne qua uisatur taetra labes sordium, restrictis forte si labellis riseris. Subscribe with

[audio:http://blogs.dickinson.edu/archive/images/what-to-pray-for.mp3] nil ergo optabunt homines? si consilium uis, permittes ipsis expendere numinibus quid conueniat nobis rebusque sit utile nostris; nam pro iucundis aptissima quaeque dabunt di. carior est illis homo quam sibi. nos animorum 350 inpulsu et caeca magnaque cupidine ducti coniugium petimus partumque uxoris, at illis notum qui pueri qualisque futura sit uxor. ut […]

This is a song for the retiring professor Fitts in Classical Studies and Archaeology, a hymn to his achievements and stature. It includes a brief mention of his resemblance to the Roman emperor Vespasian (see the photo below). The melody is from an old English folksong, “I Drew My Ship into the Harbor.” [audio:http://blogs.dickinson.edu/archive/images/hes-dug-a-trench.mp3] He’s […]

[audio:http://blogs.dickinson.edu/archive/images/the-plea-of-orpheus.mp3] perque leves populos simulacraque functa sepulcro Persephonen adiit inamoenaque regna tenentem umbrarum dominum pulsisque ad carmina nervis sic ait: ‘o positi sub terra numina mundi, in quem reccidimus, quicquid mortale creamur, si licet et falsi positis ambagibus oris vera loqui sinitis, non huc, ut opaca viderem Tartara, descendi, nec uti villosa colubris terna Medusaei […]