August 15th, 2006 by francese
[audio:http://blogs.dickinson.edu/archive/images/EpitaphBabyGirlCLE307.mp3]
Rapta sinu matris iacet hic miserabilis infans
ante novem plenos lunae quam viveret orbes.
hanc pater et mater maesti flevere iacentem
parvaque marmoreo clauserunt membra sepulchro.
Subscribe with iTunes 
Podcast: Play in new window | Download
Subscribe: Apple Podcasts |
August 15th, 2006 by francese
Sulpicia 4.11
Estne tibi, Cerinthe, tuae pia cura puellae,
quod mea nunc vexat corpora fessa calor?
A ego non aliter tristes evincere morbos
optarim, quam te si quoque velle putem.
At mihi quid prosit morbos evincere, si tu
nostra potes lento pectore ferre mala?
Subscribe with iTunes
Podcast: Play in new window | Download
Subscribe: Apple Podcasts |
August 15th, 2006 by francese
Aen.3.575-587
interdum scopulos auulsaque uiscera montis
erigit eructans, liquefactaque saxa sub auras
cum gemitu glomerat fundoque exaestuat imo.
fama est Enceladi semustum fulmine corpus
urgeri mole hac, ingentemque insuper Aetnam
impositam ruptis flammam exspirare caminis,
et fessum quotiens mutet latus, intremere omnem
murmure Trinacriam et caelum subtexere fumo.
noctem illam tecti siluis immania monstra
perferimus, nec quae sonitum det causa uidemus.
nam neque erant astrorum ignes nec lucidus aethra
siderea polus, obscuro sed nubila caelo,
et lunam in nimbo nox intempesta tenebat.
Subscribe with iTunes
Podcast: Play in new window | Download
Subscribe: Apple Podcasts |
