Thursday, January 8th, 2009...4:09 pmfrancese

Figures on the floor (Ausonius, Moselle 48-62)

Jump to Comments

[audio:http://blogs.dickinson.edu/archive/images/ausonius-moselle.mp3] Moselle pic

I nunc et Phrygiis sola leuia consere crustis
Tendens marmoreum laqueata per atria campum;
ast ego despectis, quae census opesque dederunt,         50
Naturae mirabor opus, non cura nepotum
Laetaque iacturis ubi luxuriatur egestas.
Hic solidae sternunt umentia litora harenae,
Nec retinent memores uestigia pressa figuras.
Spectaris uitreo per leuia terga profundo,                            55
Secreti nihil amnis habens: utque almus aperto
Panditur intuitu liquidis obtutibus aer
Nec placidi prohibent oculos per inania uenti,
Sic demersa procul durante per intima uisu
Cernimus arcanique patet penetrale profundi,                   60
Cum uada lene meant liquidarum et lapsus aquarum
Prodit caerulea dispersas luce figuras:



Leave a Reply